RE 63

Genre

Legal

School/Tradition

Syro-Hittite

Scribe

—

Language

Akkadian

Scribe

—

Typology

Family

Period

None - None

Inventory No.

—

Context

illegally dug

Dimensions

93 - 69 - 32

Author	Resource	Page(s)	Type
Beckman 1996	Beckman, G. (1996). Texts from the Vicinity of Emar in the Collection of Jonathan Rosen.	—	Handcopy
Beckman 1996	Beckman, G. (1996). Texts from the Vicinity of Emar in the Collection of Jonathan Rosen.	82-83	Edition

Emar Middle Euphrates | Tell Meskene

Obv.	.1	^mma-ma DUMU u₂-ma-ni
	.2	a-kan₂-na iq-bi ma-‹a› a-nu-ma
	.3	^mEN-GAL DUMU ^dIM-ma-lik DUMU ŠEŠ-ia
	.4	14-5/6 GIN₂ KU₃.BABBAR ḫu-bu-ul-mi
	.5	i-na-an-na ^mma-ma ḫu-bu-la-ti-šu
	.6	ul-tal-li-im u₃ KU₃.BABBAR-šu₂ uḫ-tal-liq
	.7	a-na DUMU-ut-ti-šu e-te-puš₂-šu
	.8	DAM-ta₅ u₂-ša-ḫa-az-šu
	.9	u₄-mi^ḫi^.^a ša ^mma-ma u₃ ^mzu-aš-tar-ti
	.10	bal-ṭu li-ip-laḫ₃-šu-nu-ti
	.11	ki-i-me-e ^mma-ma u₃ ^m⸢zu⸣-aš-tar-ti
L.E.	.12	EGIR-ki ši-ma-ti-šu-nu il-la-ku^!
	.13	EN-GAL ŠU-ti DAM-šu₂ DUMU.MEŠ-šu₂
	.14	li-iṣ-bat-ma a-šar ŠA₃-šu₂ lil-lik
Rev.
	.15	šum-ma ^mma-ma a-na pa-ni ^mEN-GAL
	.16	DUMU-šu a-kan₂-na i-qab-bi
	.17	ma-a u₂-ul DUMU-ia at-ta-a-mi
	.18	^mma-ma a-na KU₃.BABBAR-šu₂ ŠU-ti li-i-te^!-li
	.19	u₃ šum-ma ^mEN-GAL a-na pa-ni
	.20	^mma-ma a-bi-šu ‹a-kan₂-na i-qab-bi› ma-a u₂-ul a-bu-ia
	.21	at-ta-a-mi KU₃.BABBAR TEŠ₂.BI li-din-ma
	.22	a-šar ŠA₃-šu₂ lil-lik

	.23	^na₄KIŠIB ^mi-ia
		Seal
	.24	IGI ^m^dIM-EN DUMU a-pil₂-la
	.25	IGI ^mia-aḫ-ṣu₂-^dKUR ^lu₂SAG
Up.E.	.26	IGI ^mi-ia DUMU DINGIR-li₃-a
	.27	IGI ^mNIR-^dKUR DUMU zu-ba-la
	.28	IGI ^mpa-su₂-ri-^dKUR DUMU ^fna-na
Le.E.	.29	^na₄KIŠIB NIR-^dKUR ^na₄KIŠIB pa-su₂-[r]i-^d[K]UR
		Seal Seal

Loading cuneiform…

Secondary Literature

Review Huehnergard, J. (2001). review of BECKMAN, G., Texts from the Vicinity of Emar in the Collection of Jonathan Rosen, Padova (1996). Orientalia. Nuova Serie, 70, 133–136. — 136
Study Bellotto, N. (2009). Le adozioni a Emar. — 197-198
Study Viano, M. (2023). Debt and Indebtedness at Emar. De Gruyter. — 516-517