Nabu 24 64

Genre

Legal

School/Tradition

Syro-Hittite

Scribe

Abī-kāpī

Language

Akkadian

Scribe

Abī-kāpī

Typology

None

Period

None - None

Inventory No.

—

Context

illegally dug

Dimensions

—

Author	Resource	Page(s)	Type
Beckman 2024	Beckman, G. (2024). A Settling of Affairs. Nouvelles Assyriologiques Brèves Et Utilitaires, 2024(62), 103–105.	105	Handcopy
Beckman 2024	Beckman, G. (2024). A Settling of Affairs. Nouvelles Assyriologiques Brèves Et Utilitaires, 2024(62), 103–105.	103-105	Edition

Emar Middle Euphrates | Tell Meskene

Obv.	.1	^mḫi-nu-^dKUR DUMU la-aḫ-ma
	.2	a-kan₂-na iq-bi ma-a ^m^dIM-ma-lik
	.3	DUMU duq-na-ni i-na bu-ul-ṭi₃-šu
	.4	10 GIN₂ KU₃.BABBAR u₃ 1 GU₄ it-ta-an-na
	.5	ma-a le^!(er)-qe₃ i-na E₂-ka lu-u₂ šak-nu-mi
	.6	ma-a ki-i tu-ta-ar-šu-nu-ti
	.7	a-na DAM-ia u₃ a-na ^mtu-ra-^dKUR
	.8	i-din-šu-nu-ti-mi i-na-an-na ^mḫi-nu-^dKUR
	.9	10 GIN₂ KU₃.BABBAR u₃ 1 GU₄ a-na DAM ^m^dIM-ma-lik
	.10	u₃ a-na ^mtu-ra-^dKUR it-ta-din
	.11	u₃ a-nu-ma ^lu₂^.^m[^eš]ši-bu-tu₄ ip-qi₂-^dKUR
L.E.	.12	DUMU pil₂-su₂ ^m^dKUR-EN
	.13	DUMU ḫi-in-na ^ma-bi-ka-pi₂
	.14	^lu₂DUB.SAR ša INIM(KA×U) ^mtu-ra-^dKUR
Rev.	.15	iš-mu-u₂ ki-i 10 GIN₂ KU₃.BABBAR 1 GU₄
	.16	^mḫi-nu-^dKUR a-na ^mtu-ra-^dKUR
	.17	u₃ a-na DAM ^m^dIM-ma-lik
	.18	it-ta-din u₃ a-nu-ma
	.19	ki-i ^m^dIM-ma-lik i-ma-at
	.20	šu-u₂-ma ša ^mḫi-nu-^dKUR
	.21	i-na ŠA₃ ṭup-pi₂ ša ḫu-bu-ul-la-ti-šu
	.22	il-ṭu₂-ur šum-ma ṭup-pu ša-a-šu₂
	.23	i-na-aš-šu-u₂ ṭup-pu an-nu-u₂
	.24	i-le-ʾ-šu u₃ a-nu-ma DAM-at
	.25	^m^dIM-ma-lik u₃ ^mzu-ba-l[a]
	.26	qa-ta-ti KU₃.BABBAR^meš u₃ GU₄ ša-a-šu₂
Up.E.	.27	il-qu-u₂

	.28	IGI ^m^dKUR-EN DUMU ḫi-in-na
	.29	IGI ^mip-qi₂-^dKUR DUMU pil₂-su₂
	.30	IGI ^ma-bi-ka-pi₂ ^lu₂DUB.SAR
Le.E.	.31	[ⁿ]^a₄KIŠIB ⸢a⸣-bi-k[a-pi₂]
		seal

Loading cuneiform…