FS Kutscher 6

Genre

Legal

School/Tradition

Syrian

Scribe

Eḫli-Kuša

Text Information

Language

Akkadian

Scribe

Eḫli-Kuša

Typology

Atypic record

Period

None - None

Inventory No.

—

Context

illegally dug

Dimensions

Editions

Author	Resource	Page(s)	Type
Sigrist 1993	Sigrist, M. (1993). Seven Emar Tablets. In A. F. Rainey (Ed.), kinattūtu ša dārâti: Raphael Kutscher Memorial Volume (pp. 165–184).	176-178	Edition
Cohen and Viano 2016	Cohen, Y., & Viano, M. (2016). A Land-Grant Document from Emar: A (Re)edition and Discussion of LN-104 (aka Gs-Kutscher 6). Kaskal. Rivista Di Storia, Ambiente E Culture Del Vicino Oriente Antico, 13, 57–71.	67-68	Picture
Cohen and Viano 2016	Cohen, Y., & Viano, M. (2016). A Land-Grant Document from Emar: A (Re)edition and Discussion of LN-104 (aka Gs-Kutscher 6). Kaskal. Rivista Di Storia, Ambiente E Culture Del Vicino Oriente Antico, 13, 57–71.	58-60	Edition

Provenience Map

Emar Middle Euphrates

Obv.	.1	i-na u₄-ma-ti ša ^mli-LUGAL
	.2	DUMU ir-ib-^dIM A.ŠA₃^ḫi^.^a ṣi₂-ip-ḫu
	.3	1 IKU GID₂.DA-šu 1 IKU ru-up-ši
	.4	u₃ ^dNE₃.IRI₁₁.GAL ir-am-ši
	.5	E₂^!-šu i-na ŠA₃ A.ŠA₃^ḫi^.^a ir-ṣi-ip
	.6	u₃ A.ŠA₃^ḫi^.^a ša ^mir-ib-^dIM DUMU la-a-la
	.7	ZAG-šu KI.LAM GUB₃-šu ḫu-ḫi-nu
	.8	EGIR-šu KASKAL-nu ša ^dud-ḫa URU tu-ša-u₂^ki
	.9	pa-nu-šu ‹x› ^dra-‹bi›-i-tu₄ u₃ 4 DUMU.MI₂^meš-šu
	.10	qa-du ^na^₄nu-bi-šu-nu 4 li-im KU₃.BABBAR
	.11	4 me-at GIN₂ KU₃.GI a-na LUGAL KUR ḫur-ri u₂-ul-te^![-li]
	.12	u₃ ^mir-ib-^dIM DUMU la-a-la
	.13	LUGAL KUR ḫur-ri iš-tu E₂.GAL i-ta-pa-al
	.14	u₃ 4 DUMU.MI₂^meš LUGAL 4 li-im KU₃.BABBAR
	.15	4 me-at [KU₃].GI a-na URU-li₃-šu be-li-šu
	.16	ut-te-er-šu u₃ ma-na-aḫ-ta GAL
	.17	liṭ-ṭi URU-li₃-šu u₃ be-li-šu
	.18	e-te-pu-uš u₃ ki-i-mu-u₂ ma-na-aḫ-ti-šu
	.19	ša liṭ-ṭi URU-li₃-šu u₃ be-li-šu
	.20	ša i-pu-šu LUGAL u₃ URU e-mar
	.21	a-na ^lu^₂SANGA ša E₂ ^dNE₃.IRI₁₁.GAL
L.E.	.22	ša KI.LAM u₃ a-na ra-be bi-ti
	.23	DUMU-šu DUMU.DUMU-šu NUMUN-šu
	.24	NUMUN.NUMUN-šu iš-ku-un-šu
Rev.	.25	a-na da-ri-ti ^lu^₂SANGA-ma
	.26	u₃ GAL ša ^dNE₃.IRI₁₁.GAL
	.27	u₃ a-na ^lu^₂qab₂-ba-ri šu-ut-ma
	.28	ur-ra-am še-ra-am ma-am-ma-a-an
	.29	ša-nu-u₂-ma iš-tu E₂
	.30	^dNE₃.IRI₁₁.GAL u₃ iš-tu ^lu^₂qab₂-ba-ru₃
	.31	la-a u₂-na-kar-šu ša u₂-na-kar₃-šu
	.32	^dda-gan ^dNIN.URTA
	.33	^dNE₃.IRI₁₁.GAL MU-šu NUMUN-šu
	.34	li-ḫa-li-qu ^na^₄si-ka₃-nu
	.35	a-na E₂-šu li-iz-qu-up

	.36	IGI ^mli-LUGAL u₃ URU e-mar
	.37	IGI ^mab-ba DUMU ia-ri-im-EN
	.38	IGI ^m^dra-ša-ap-i₃-li₂ DUMU ir-ib-^dIM
	.39	IGI ^mmil-ki-^dda-gan DUMU ḫi-in-nu-^dda-gan
	.40	IGI ^m^dda-gan-ma-lik DUMU iz-ra-aḫ-^dda-gan
	.41	IGI ^ma-bi-^d30 DUMU i-tur₂-ŠA₃
	.42	IGI ^ma-bi-ra-šap ^lu^₂ḫa-za-an-nu
	.43	IGI ^meḫ-li-ku-ša ^lu^₂DUB.SAR
	.44	ITI EN ḫa-la-⸢ab⸣
	.45	MU DUMU ḫa-[am]-si₂
Up.E.		Seal

Obv.	.1	𒄿 𒈾 𒌓 𒈠 𒋾 𒊭 𒁹 𒇷 𒈗
	.2	𒌉 𒅕 𒅁 𒀭 𒅎 𒀀 𒊮 𒄭 𒀀 𒍣 𒅁 𒄷
	.3	1 𒃷 𒁍 𒁕 𒋗 1 𒃷 𒊒 𒌒 𒅆
	.4	𒅇 𒀭 𒊊 𒀕 𒃲 𒅕 𒄠 𒅆
	.5	𒂍 𒋗 𒄿 𒈾 𒊮 𒀀 𒊮 𒄭 𒀀 𒅕 𒍢 𒅁
	.6	𒅇 𒀀 𒊮 𒄭 𒀀 𒊭 𒁹 𒅕 𒅁 𒀭 𒅎 𒌉 𒆷 𒀀 𒆷
	.7	𒍠 𒋗 𒆠 𒇴 𒆏 𒋗 𒄷 𒄭 𒉡
	.8	𒂕 𒋗 𒆜 𒉡 𒊭 𒀭 𒌓 𒄩 𒌷 𒌅 𒊭 𒌑 𒆠
	.9	𒉺 𒉡 𒋗 ‹x› 𒀭 𒊏 𒁉 𒄿 𒌈 𒅇 4 𒌉 𒊩 𒎌 𒋗
	.10	𒋡 𒁺 𒎎 𒉡 𒁉 𒋗 𒉡 4 𒇷 𒅎 𒆬 𒌓
	.11	4 𒈨 𒀜 𒂆 𒆬 𒄀 𒀀 𒈾 𒈗 𒆳 𒄯 𒊑 𒌑 𒌌 𒋼 𒇷
	.12	𒅇 𒁹 𒅕 𒅁 𒀭 𒅎 𒌉 𒆷 𒀀 𒆷
	.13	𒈗 𒆳 𒄯 𒊑 𒅖 𒌅 𒂍 𒃲 𒄿 𒋫 𒉺 𒀠
	.14	𒅇 4 𒌉 𒊩 𒎌 𒈗 4 𒇷 𒅎 𒆬 𒌓
	.15	4 𒈨 𒀜 𒆬 𒄀 𒀀 𒈾 𒌷 𒅆 𒋗 𒁁 𒇷 𒋗
	.16	𒌓 𒋼 𒅕 𒋗 𒅇 𒈠 𒈾 𒄴 𒋫 𒃲
	.17	liṭ 𒁲 𒌷 𒅆 𒋗 𒅇 𒁁 𒇷 𒋗
	.18	𒂊 𒋼 𒁍 𒍑 𒅇 𒆠 𒄿 𒈬 𒌑 𒈠 𒈾 𒄴 𒋾 𒋗
	.19	𒊭 liṭ 𒁲 𒌷 𒅆 𒋗 𒅇 𒁁 𒇷 𒋗
	.20	𒊭 𒄿 𒁍 𒋗 𒈗 𒅇 𒌷 𒂊 𒈥
	.21	𒀀 𒈾 𒇽 𒋃 𒊭 𒂍 𒀭 𒊊 𒀕 𒃲
L.E.	.22	𒊭 𒆠 𒇴 𒅇 𒀀 𒈾 𒊏 𒁁 𒁉 𒋾
	.23	𒌉 𒋗 𒌉 𒌉 𒋗 𒆰 𒋗
	.24	𒆰 𒆰 𒋗 𒅖 𒆪 𒌦 𒋗
Rev.	.25	𒀀 𒈾 𒁕 𒊑 𒋾 𒇽 𒋃 𒈠
	.26	𒅇 𒃲 𒊭 𒀭 𒊊 𒀕 𒃲
	.27	𒅇 𒀀 𒈾 𒇽 𒆏 𒁀 𒊑 𒋗 𒌓 𒈠
	.28	𒌨 𒊏 𒄠 𒊺 𒊏 𒄠 𒈠 𒄠 𒈠 𒀀 𒀭
	.29	𒊭 𒉡 𒌑 𒈠 𒅖 𒌅 𒂍
	.30	𒀭 𒊊 𒀕 𒃲 𒅇 𒅖 𒌅 𒇽 𒆏 𒁀 𒀸
	.31	𒆷 𒀀 𒌑 𒈾 𒋼𒀀 𒋗 𒊭 𒌑 𒈾 𒃼 𒋗
	.32	𒀭 𒁕 𒃶 𒀭 𒎏 𒅁
	.33	𒀭 𒊊 𒀕 𒃲 𒈬 𒋗 𒆰 𒋗
	.34	𒇷 𒄩 𒇷 𒄣 𒎎 𒋛 𒂵 𒉡
	.35	𒀀 𒈾 𒂍 𒋗 𒇷 𒄑 𒄣 𒌒

	.36	𒅆 𒁹 𒇷 𒈗 𒅇 𒌷 𒂊 𒈥
	.37	𒅆 𒁹 𒀊 𒁀 𒌉 𒅀 𒊑 𒅎 𒂗
	.38	𒅆 𒁹 𒀭 𒊏 𒊭 𒀊 𒉌 𒉌 𒌉 𒅕 𒅁 𒀭 𒅎
	.39	𒅆 𒁹 𒅖 𒆠 𒀭 𒁕 𒃶 𒌉 𒄭 𒅔 𒉡 𒀭 𒁕 𒃶
	.40	𒅆 𒁹 𒀭 𒁕 𒃶 𒈠 𒌨 𒌉 𒄑 𒊏 𒄴 𒀭 𒁕 𒃶
	.41	𒅆 𒁹 𒀀 𒁉 𒀭 30 𒌉 𒄿 𒄙 𒊮
	.42	𒅆 𒁹 𒀀 𒁉 𒊏 𒉺𒅁 𒇽 𒄩 𒍝 𒀭 𒉡
	.43	𒅆 𒁹 𒄴 𒇷 𒆪 𒊭 𒇽 𒁾 𒊬
	.44	𒌗 𒂗 𒄩 𒆷 𒀊
	.45	𒈬 𒌉 𒄩 𒄠 𒍣
Up.E.		Seal

A Land-Grant Document from Emar: A (Re)edition and Discussion of LN-104 (aka Gs-Kutscher 6)

General notes

Secondary Literature

Study Seminara, S. (1997). Note di lessicografia emarita. Rivista degli studi orientali, 71, 15–24. — 17
Study Adamthwaite, M. R. (2001). Late Hittite Emar. The Chronology, Synchronisms, and Socio-Political Aspects of a Late Bronze Age Fortress Town. — 266-267
Study Solans, B. E. (2014). Poderes colectivos en la Siria del Bronce Final. — 361-362
Study Pruzsinszky, R. (2020). Taxation and Management of Resources—The Evidence from the Late Bronze Age Middle Euphrates Region. In J. Mynářová & S. Alivernini (Eds.), Economic Complexity in the Ancient Near East. Management of Resources and Taxation (Third–Second Millennium BC) (pp. 383–397). — 392
Study Seminara, S. (2025). Emar Chronology: a real conundrum or…much ado about nothing?. Aula Orientalis, 43(2), 379–392. — 387-388