Genre
Legal
School/Tradition
Syro-Hittite
Scribe
—
Text Information
Language
Akkadian
Scribe
—
Typology
Family
Period
None - None
Inventory No.
ME 30
Context
illegally dug
Dimensions
107 - 82 - 33
Editions
Author Resource Page(s) Type
Arnaud 1991 Arnaud, D. (1991). Textes syriens de l’âge du Bronze Récent. — Handcopy
Arnaud 1991 Arnaud, D. (1991). Textes syriens de l’âge du Bronze Récent. 122-123 Edition
See also "General Notes"
Provenience Map
Emar Middle Euphrates | Tell Meskene
Obv. Blank Space
.1 mdU-wa-pi₂-iʾ DUMU ab-ba-ni DUMU il-la a-kan₂-na iq-bi
.2 ma-a a-nu-ma mta-e DUMU u₂-ri-i a-na DUMU-ru-ut-ti-ia
.3 e-te-puš₂-šu u₃ fdUTU-la-i DUMU.MI₂-ia GAL a-na DUMU.NITA
.4 e-te-puš₂-ši u₃ ‹a-na› DAM-ut-ti-šu at-ta-din-ši u₄-mimeš
.5 ša mdU-wa-pi₂-iʾ a-bu-šu u₃ faš-tar-ki-m[i AM]A-šu
.6 bal-ṭu mta-e DUMU-ni li-ip-laḫ₃-na-a-ši k[i-i]-me-e
.7 i-pal-laḫ₃-na-a-ši EGIR-ki ši-im-ti-ni ub-bal-[lu-na-š]i
.8 u₃ a-nu-ma DUMU.MEŠ NU TUK mi-nu-me-e ša i-na EGIR u₄-mi u₂-la-ad
.9 bu-ši ba-ši-ti it-ti a-ḫa-meš₃ li-iz-zu-zu
.10 mUTU-la-i DINGIR-li₃ E₂-ti GAL
.11 u₃ šum-ma mta-e DUMU u₂-ri-i a-na pa-ni mdU-wa-pi₂-iʾ a-bi-šu
.12 u₃ faš-tar-ki-mi AMA-šu i-qab₂-bi ma-a u₂-ul a-bu-ia
.13 AMA-ia at-tu-nu-mi 30 GIN₂ KU₃.BABBARmeš NI₃.MI₂.US₂.SA₂-ši DAM-šu₂
.14 u₃ 60 GIN₂ KU₃.BABBARmeš ta-ra-ka-za-ti-šu-nu li-din-ma
.15 TUG₂-šu i-na gišŠU₂.A li-iš-ku-un-ma a-šar lib₃-bi-‹šu› lil-lik
.16 u₃ šum-ma mdU-wa-pi₂-iʾ a-bu-šu u₃ faš-tar-ki-mi [AMA-š]u
.17 a-na pa-ni mta-e DUMU-šu-nu i-qab-bu-u₂ ma-a u₂-ul [DUMU-ru-ni]
L.E. .18 at-ta-mi 60 GIN₂ KU₃.BABBARmeš a-na mta-e li-id-di-nu
.19 mta-e ŠU-ti DAM-šu DUMU.MEŠ-šu li-iṣ-bat-ma
.20 a-šar ŠA₃-šu lil-lik
Rev. .21 u₃ ‹‹šum-ma›› u₄-mimeš ša f[dUTU-la-i D]AM-[šu
.22 bal-ṭu mta-e DAM-ta₅ [ša-ni-tam-ma] la-⸢a⸣ [i]-ḫa-a[z]
.23 u₃ šum-ma i-ḫa-az ṭup-[pu an-nu-u₂] i-la-e-[š]u
.24 u₃ šum-ma fdUTU-la-i [DUMU.MI₂-ia] BA.UG₆ a-ia-tu-[mi₃]-ia
.25 i-na lib₃-bi DUMU.MI₂meš-ia [ša ir-ti-]iḫ lil-qi₃
.26 na₄KIŠIB mka-pi₂-dKUR na₄KIŠ[IB md]E₂.A-SIG₅
Seal                            Seal
.27 DUMU ḪAL              DUMU zi-ik-ru₃    na₄KIŠIB mla-ḫe₂-ia
                                                               Seal
.28 na₄KIŠIB                  na₄KIŠIB mEN-GAL     DUMU mu-ud-ri-dU
Seal                             Seal
.29 [ma]-ḫi-ma-lik DUMU ab-ba-ni DUMU a-bi-ka-pi₂        na₄KIŠIB mNIR-dKUR
                                                                            Seal
.30                                                                        DUMU dKUR-ta
Up.E. .31 IGI ma-lal₂-a-bu DUMU kut-be
Le.E. .32 IGI mdU-EN DUMU kut-be
.33 IGI mta-e DUMU i-li-da
.34 IGI mEN-ma-lik DUMU i-tur₂-EN
.35 IGI mDINGIR-li₃-a-bi DUMU ḫu-si-ru₃
.36 IGI ma-bi-dKUR DUMU ma-ni-ni
.37 IGI mni-in-ni DUMU kin₂-ni-pi₂
Loading cuneiform…
From Textes syriens de l’âge du Bronze Récent
Textes syriens de l’âge du Bronze Récent
— From Textes syriens de l’âge du Bronze Récent
General notes

Secondary Literature

  • Study Bellotto, N. (2009). Le adozioni a Emar. — 233-234
  • Study Justel, J. J. (2014). Mujeres y derecho en el Próximo Oriente Antiguo. La presencia de mujeres en los textos jurídicos cuneiformes del segundo y primer milenios a. C.. — 70
  • Study Justel, J. J. (2014). Women and Family in the Legal Documentation of Emar (with Additional Data from Other Late Bronze Age Syrian Archives). Kaskal. Rivista Di Storia, Ambiente E Culture Del Vicino Oriente Antico, 11, 57–84. — 70
  • Study Hillmann, R. (2016). Brautpreis und Mitgift (Vol. 18). Mohr Siebeck. — 81
TBR 72